Дөрвөн уулын хишиг цуврал барилдааны “Сонгинохайрхан уулын хишиг” барилдаан өчигдөр Монгол бөхийн өргөөнд боллоо. Долоо дахь жилдээ зохион байгуулагдсан уг барилдаанд улс аймгийн алдар цолтой хүчит 256 бөх зодоглосноос  Архангай аймгийн Булган сумын харьяат “Алдар” спорт хороо, Бөхбилэгт дэвжээ, “Хера холдинг” ХХК-ийн бөх улсын начин Р.Пүрэвдагва түрүүллээ. Харин Сэлэнгэ аймгийн Орхонтуул сумын харьяат “Алдар” спорт хороо, “Таванхан” дэвжээний бөх улсын харцага Т.Өсөх-Ирээдүй үзүүрлэсэн бол улсын аварга С.Мөнхбат, улсын аварга Г.Эрхэмбаяр нар их шөвгийн дөрөвт шалгаран үлдсэн.

Өнгөрөгч оны тус барилдаанд улсын гарьд Н.Ганбаатар түрүүлж, улсын арслан Х.Мөнхбаатар үзүүрлэсэн байдаг.

,

Б.Буд