Монгол Улсын 2012 оны төсвийн тухай хуулийн төслийн редакци сонсох ажиллагаа түр хойшлов. Учир нь УИХ-ын зарим гишүүд төслийн эцсийн найруулгыг гар дээрээ аваагүй байсантай холбоотой юм. Уг асуудал нь УИХ-ын Тамгын газрын зарим ажилтны хариуцлагагүй байдал, УИХ-ын гишүүдийн туслахуудтай уялдаж ажиллах ажлын доголдлоос шалтгаалсныг тогтоож холбогдох ажилтнуудад сахилгын шийтгэл оногдуулсан байна.