Эрхзүйн шинэчлэлийг дэмжихийг уриалав
5
Монголын хуульчдын холбоо, өмгөөлөгчдийн холбооны гишүүдийн төлөөлөл өнөөдөр мэдээлэл хийлээ. Тэд одоо үйлчилж буй хуулийн орчин нь иргэдийн суурь эрхэнд халтай, хүний эрхийг хамгаалан өмгөөлөл хийхэд бэрхшээлтэй байгаа талаар онцолсон. Мөн шинээр өргөн барьж буй хуулийн шинэчлэлийн хүрээнд боловсруулсан хуулийн төслүүдийг улс төржүүлэхгүй дэмжих шаардлагатай байгаа тухай хэлсэн.
6
Өмгөөлөгч Ц.Баасандорж энэ талаар “Монгол Улсын Ерөнхийлөгчийн хаврын чуулганд өргөн бариад байгаа дөрвөн гол хуулийг дэмжиж, УИХ-ын эрхэм гишүүдээс энэ хуулийн төслийг мөн дэмжихийг уриалж байгаа ажээ. Өмнө буюу одоо мөрдөгдөж буй Эрүүгийн хууль л гэхэд шоронжуулахад чухал нөлөө үзүүлсэн. Эрүүгийн хуулийн дагуу мөрдөн байцаах ажиллагаанд прокурор, хэрэг бүртгэгчид л буруутгах нотлох баримт цуглуулж, өмгөөлөгчийн оролцоог хангалттай олгоогүй. Үүнээс болж шүүх хуралд зөвхөн буруутгах үндэслэл баримт бүхий хавтаст хэргийг уншсан шүүгчид орж ирдэг. Мөн гадны жишгээс харахад хүнийг мөрдөж шалгасны эцэст баривчилдаг бол манайд гүтгэж, доромжилж нэр төрд нь халдсаны эцэст баривчилж албан хүчээр хэргийг нь хүлээлгэдэг ” гэсэн юм.
6
Түүнчлэн салбарын сайдыг огцруулах эсэх улс төрийн үйлдэл нь бидэнд огт хамаагүй. Гагцхүү зарим хүмүүсийн явцуу эрх ашгаас болж хууль зүйн салбарт хийгдэж буй шинэчлэл, олон нийт, салбарт ажиллагсдын хүсэн хүлээж буй хуулиудыг битгий зогсоогоосой” гэлээ. 6Д.Цэцэг
СЭТГЭГДЭЛ БИЧИХ