Сүүлийн үед Эрүүл мэндийн салбарт хийгдэж буй томоохон ажлуудын нэг нь эрхтэн шилжүүлэн суулгах мэс ажилбар байв. Тодруулбал, Монгол улс элэг шилжүүлэн суулгах мэс заслыг хийдэг болсон. Үүнээс өмнө бөөр шилжүүлэн суулгах мэс засал хийж байсан юм. Тэгвэл бөөр болон элэг шилжүүлэн суулгах явцад цусны хэрэглээ эрс ихэсдэг учраас цусыг их хэмжээгээр нөөцлөх зайлшгүй шаардлагатай гэнэ. Гэвч сүүлийн үед донорууд эс цөөрсөн учраас иргэдийг сайн дураараа цусаа өгч буян болохыг холбогдох байгууллагууд уриалж байна.