
УДЭТ-ын жүжигчин МУСТА Ц.Баясгалан Косово Пежа хотноо болсон монодрамын олон улсын наадмаас "Grand Prix" хэмээх шагнал хүртжээ.
Тэрбээр “Би Эдит Пиаф байна” жүжгээрээ Франц, Англи, АНУ, Югослав зэрэг 16 орны уран бүтээлчтэй өрсөлдөж, уг шагналын эзэн болжээ. Зохион байгуулагчид Азийн орноос манайхыг сонгож, ганц хүний жүжгийн төрлөөр уран бүтээл туурвиж байгаа шилдэг уран бүтээлчээ явуулах хүсэлтийг “Гэгээн Муза” академийнханд тавьснаар түүнийг явуулсан юм.
.
Жүжигчин Ц.Баясгалан нь 1997 оноос эхлэн УДЭТ-т жүжигчнээр ажиллаж буй ба “Нууц амраг чинь болъё”, “Хайрын виз”, “Шар тэнгисийн тарчлаан”, “Парисын дарь эхийн сүм”, “Солиотой жүжиг”, “Домогт Ану хатан”, “Эсрэг дурлал” зэрэг 50 гаруй гол болон туслах дүрийг бүтээж байсан юм.
Б.Буд
СЭТГЭГДЭЛ БИЧИХ