Непал улсын Катманду хотноо болсон Ази тивийн аварга шалгаруулах таеквондогийн тэмцээнд манай улсын эмэгтэй баг тамирчид амжилттай оролцоод иржээ. Долоо дахь жилдээ болсон энэхүү тэмцээн өсвөр, насанд хүрэгчид гэсэн насны ангилалаар зохион байгуулагдсан аж.

6

Хоёр ангилалд манай улсын 18 тамирчин тулалдаж, хоёр алт, арван мөнгө, долоон хүрэл нийт 19 медаль хүртсэн амжилтыг үзүүлсэн байна. Ингэснээр Азийн 20 орны 400 гаруй тамирчид өрсөлдсөн тус тэмцээнд манай улс багийн дүнгээр дөрөвдүгээр байрт шалгарчээ.

5

Насанд хүрэгчдийн ангилалд эмэгтэй баг тамирчид мөнгөн медаль хүртжээ. Тодруулбал, 75 кг-ийн жингийн ангилалд тулалдсан Албадан саатуулах баривчлах төвийн жижүүрийн цагдаа ахлах ахлагч Д.Сэлэнгэ, 69 кг-д Иргэний агаарын тээврийн цагдаагийн хэлтсийн хэв журмын цагдаа ахлах ахлагч Н.Энхнаран нар багийн болон хувийн төрөлдөө мөнгө, хүрэл медалийн тавцанд зогсчээ. Харин 63 кг-д туладсан Завхан аймгийн Цагдаагийн газрын хэв журмын цагдаа ахлагч С.Будхүү мөнгөн медалиар энгэрээ мялаасан байна.

5

Б.Буд