Өнгөрсөн шөнө 3:40 цагийн үед Өвөрхангай аймгийн Хархорин сумын Эрдэнэзуу хийдийн “Хархорум” музейгээс түүхийн үнэт ховор үзмэр болох 7 ширхэг бурхан хулгайд алдагдсан хэрэг гарчээ. Хэргийн талаар холбогдох эх сурвалжаас зарим зүйлийг тодрууллаа.

:

-Ямар ямар эд зүйл алдагдсан талаар дэлгэрэнгүй мэдээлэл өгөөч?

-Долоон ширхэг бурхан алдагдсан. Хөөмөл жавилтай, их бие болон суурь нь алтан шармал, цутгамал, 22.8 кг жинтэй Дүйнхор бурхан, 1.595 кг жинтэй, гууль цутгамал, алтан шармал Жүгдэрнамжил бурхан, зэс хөөмөл, алт шармал 1.230 кг жинтэй Майдар бурхан алдагдсан. Энэ гурван бурхан нь хосгүй үнэт өвд багтдаг. Мөн зэс хөөмөл, алт шармал 850 гр жинтэй Майдар, 2.2 кг зэс хөөмөл Майдар, 2 кг жинтэй зэс хөөмөл, алт шармал Майдар, гууль цутгамал, алт шармал, 765 гр жинтэй Манзушир бурхан хулгайлсан байна. Дүйнхор бурхан нь 32.6 см урттай, 20.7 см өргөн, 40.5 см өндөртэй. Зүүн дээд мутрын ядам, чигчий хуруу хугарсан, нүүрний боронз түрхэц халцарсан, суурийн дээрх цоорхойг нь гипсээр бөглөсөн, суурь, жавил нь модон залгаатай, жавилын арын улаан дурдан үжирсэн, суурийн чанх урд хэсэгт зурагдсан, баруун хөлийн гишгэгдэлийн толгой салсан зэрэг содон шинж тэмдэгтэй.

:

-Долоон ширхэг бурхнаас өөр зүйл алдагдсан уу. Хулгайд алдагдсан эд зүйлсийг үнэлж үзсэн үү?

-Өөр зүйл алдагдаагүй. Нийт 75 сая орчим төгрөгийн бурхан алдагдсан байна.

:

-Уг бурхад нь хэдий үеийн түүхийн дурсгалд хамаарах вэ?

-XVIII зууны дунд үеийн бүтээлүүд.

:

-Гэмт хэрэгтнийг барьсан уу?

-Хэрэгтнийг бариагүй. Эрэн сурвалжилж байна. Манай сумын болон аймгийн Цагдаагийн хэлтсээс албан хаагчид ирээд ажиллаж байна. Улаанбаатараас баг наашаа гарсан гэсэн.

:

Б.Буд