Филлиппин улсын Манила хотноо болсон Ой тогтоолтын Олон улсын нээлттэй тэмцээн өчигдөр өндөрлөлөө. Энэхүү тэмцээнд оролцсон манай улсын оюуны спортын тамирчин Э.Энхмөнх 2 алт, 5 мөнгө, 2 хүрэл медаль, Т.Энхжин 3 алт, 1 мөнгө, 3 хүрэл, Их Мастер С.Цогбадрах 3 алт, 1 хүрэл медалиар энгэрээ мялааж авах боломжит 30 медалийн 19-ийг нь хүртэж, багаараа дэд байрт шалгарчээ.

.

Манай тамирчин С.Цогбадрах “Тооны Марафон” төрөлд 1408 цифрийг цээжлэн алдаагүй нэрлэснээр насанд хүрэгчдийн ангилалын дэлхийн рекордыг шинэчлэн тогтоожээ.

:

Мөн нийлбэр оноогоор дунд насны ангилалд Э.Энхмөнх хоёрдугаар байр, Т.Энхжин гуравдугаар байр, насанд хүрэгчдийн ангилалд нийлбэр оноогоор С.Цогбадрах гуравдугаар байрт шалгарсан амжилтыг үзүүлсэн байна.

.

Энэхүү тэмцээнд Филиппин, Монгол, Индонез, Солонгос, Энэтхэг улсын 68 тамирчин ой тогтоолтын 10 төрлөөр өрсөлдсөн юм. Манай улсаас Монголын оюун ухааны академийн тамирчид болох Их Мастер С.Цогбадрах (22 нас), Т.Энхжин (16 нас), Э.Энхмөнх (15 нас), дасгалжуулагч Б.Баасандорж, Ой тогтоолтын ОУ-ын II зэргийн шүүгч Х.Хатанбаатар нар хамт оролцсон.

.

Б.Буд