Завхан аймгийн хэмжээнд ЕБС-д 15000 гаруй хүүхэд, СӨБ буюу цэцэрлэгт 4000 гаруй хүүхэдтэйгээр боловсролын үйл ажиллагаа явагдаж байна. Тус аймгийн Боловсрол соёлын газраас хөдөө сумдын 5 чиглэл, аймгийн төвийн гэсэн 6 чиглэлээр шалгалтын групп томилогдож 2 өдөр аймгийн хэмжээний ЕБС-ийн хүүхдүүд болон СӨБ-ын 4, 5 настай хүүхдүүдээс түвшин тогтоох шалгалтыг авчээ. Энэхүү шалгалтын хувиар нь аймгийн хэмжээнд нэгдсэн нэг цаг хугацаанд авагдсанаар шалгалтын хариу задрах зэрэг асуудал гарах боломжгүй шударга хариуцлагатай, чанартай шалгалт болсон гэж зохион байгуулагчид үзэж байна.