Өнгөрсөн Бямба гарагт буюу 2012.12.10-ны өдөр ЗГХА-БТСХорооны 2011-2012 оны өвлийн улирлын нээлт “Цасны өдөрлөг” арга хэмжээ Үндэсний бүтээн байгуулалт Скай Резорт олон улсын стандартын цанын бааз дээр амжилттай зохион байгуулагдаж өндөрлөлөө. Тус арга хэмжээний үед Скай Резорт цанын баазын 1,5 км урттай Гүйлтийн цанын зам ашиглалтанд орсон ба гүйлтийн цанын замыг ашиглалтанд орсныг тохиолдуулан Гүйлтийн цанын Спринт 1,5 км-н уралдаан эрэгтэй, эмэгтэй төрлөөр, Холимог буухиа уралдаан 3х1,5 км төрлөөр тус тус болж өндөрлөлөө. Спринт гүйлтийн цанын эрэгтэй төрөлд ОУХМ, Азийн 7-р наадмын хүрэл медальт, Хөдөлмөрийн хүндэт медальт Б. Гэрэлт-Од түрүүлсэн бол 2-р байранд ОУХМ, Хилчин спорт хороо, Скай Резорт цанын баазын тамирчин Т. Доржготов, 3-р байранд ОУХМ, Азийн 7-р наадмын хүрэл медальт, Хөдөлмөрийн хүндэт медальт Э. Бархүү нар тус тус байр эзэлсэн бол эмэгтэй төрөлд ОУХМ, Азийн 7-р наадмын хүрэл медальт, Хөдөлмөрийн хүндэт медальт, Алдар спорт хорооны тамирчин  Отгонцэцэг, 2-р байранд Спортын дэд мастер, Төв аймгийн БТСХорооны тамирчин Халиун, 3-р байранд ОУХМ, Азийн 7-р наадмын хүрэл медальт, Хөдөлмөрийн хүндэт медальт, Алдар спорт хорооны тамирчин Ууганцэцэг нар тус тус байр эзэлж дурсгалын бэлэг, мөнгөн шагнал, өргөмжлөлөөр шагнууллаа. Гүйлтийн цанын 2 дахь төрөл болох Холимог буухиа төрөлд 5-н баг өрсөлдсөн ба 1-р байранд Үндэсний шигшээ баг, 2-р байранд Төв аймгийн баг, 3-р байранд Алдар спорт хорооны баг тамирчид байр эзэлж дурсгалын бэлэг, мөнгөн шагнал, өргөмжлөлийн эзэд боллоо. Мөн Цасны өдөрлөгийн арга хэмжээний хүрээнд уулын цана, чарга, олс таталт, хөгжилтэй буухиа тэмцээн болж өндөрлөлөө.