Хэдхэн хоногийн өмнө Энэтхэгт эмнэлэг шатсанаас олон арван хүн амиа алдсан харамсалтай хэрэг гарсан билээ. Гэтэл өчигдөр олон хүн амиа алдсан эмгэнэлт хэрэг дахиад л гарав. Тус улсын баруун Бенгал мужид согтууруулах ундаанаас хордсоны улмаас 50 хүн амиа алджээ. Мөн 100 орчим хортой архинд хордсон хүмүүс эмнэлэгт хүргэгджээ. Уг хэрэгт сэжиглэн дөрвөн хүнийг цагдаа нар баривчилсан байна. Тэдгээр амиа алдаж,  хордсон иргэдийн хэрэглэсэн согтууруулах ундаа бүгд нэг үйлдвэрийнх байсан аж. Муждаа нэлээд нэр хүндтэйд тооцогддог согтууруулах ундааны  үйлдвэрээс нэг өдөрт худалдаанд гарсан бүтээгдэхүүнүүдэд бүгдэд нь хүчтэй химийн хор агуулагдаж байсан байна.