Эрүүгийн хэргийг мөрдөн шалгах болон ял эдлүүлэх ажиллагаанд тавих хяналтын ажилд дагаж мөрдөх аргачилсан заавар, журмыг Улсын Ерөнхий Прокурорын газраас боловсруулж гаргасан юм. Дээрх аргачилсан заавар журмыг хэрхэн хэрэгжүүлж ажиллах талаар Тагнуулын Ерөнхий газар, Авлигатай тэмцэх газар, Цагдаагийн Ерөнхий газар, Шүүхийн шийдвэр гүйцэтгэх Ерөнхий газар болон Улсын Ерөнхий прокурорын дэргэдэх Мөрдөн байцаах албаны удирдлагууд болон холбогдох албан тушаалтнуудыг оролцуулсан уулзалт ярилцлага маргааш буюу 16-ны өдрийн 15.00 цагт  Улсын Ерөнхий прокурорын газарт болох аж. Уулзалт ярилцлагын үеэр эрүүгийн зарим хэргүүдийн шийдвэрлэлтийн талаар хэлэлцэгдэх юм байна.