Ерөнхий сайд С.Батболд  Улаанбаатар хотын хүн амын эрүүл мэндийн салбарын өнөөгийн байдал, эрүүл мэндийн тусламж, үйлчилгээг оновчтой болгох чиглэлээр хийгдэж байгаа ажлуудын талаар УИХ-ын чуулганд мэдээлэл сонсгоно. Чуулганы долоо хоног бүрийн баасан гаригийн үдээс хойшхи хуралдаан Засгийн газрын цаг болгосон билээ. Өнгөрсөн долоо хоногт Ерөнхий сайд Индонезид айлчилж явсан учир Засгийн газрын цагийг хойшлуулсан юм.