Ламын гэгээн Лувсанданзанжанцаны түмэн өлзий гийсний 375 жилийн ой, Говийн бүсийн их хурд-2014 хурдан морины уралдаан энэ сарын 22-23 ны өдрүүдэд болж, Хонгор нутгийн зон олон дэнж хотойтол сайхан нааджээ.

са

Баяр наадмын хүчит бөхийн барилдаанд улс, аймгийн цолтой 256 бөх зодоглож, Говь-Алтай аймгийн Бугад сумын “Сүү” ХК-ны бөх, улсын начин Ду. Баятбаяр, Баянхонгор аймгийн Бууцагаан сумын “Нармон” ХК-ны бөх, улсын начин Ж.Чулуунбатаар найм давж түрүүлсэн байна.

ир

Хүчит бөхийн барилдааны шөвгийн дөрөвт Говь-Алтай аймгийн Бэгэр сумын харьяат улсын начин С.Багахүү, Баянхонгор аймгийн Баянбулаг сумын харьяат “Хангарьд” спорт хорооны бөх аймгийн арслан Эрдэнэхүү нар шөвгөрч наадмын түрүү бөхийг Говь-Алтайчууд авч, Баянхонгор аймгийн Богд сумын харьяат Монгол улсын арслан П.Аюушийн үр, хүүхдүүд түрүү бөхийг 10 сая төгрөгөөр байлсаныг гардан авсан байна.

са

Ламын гэгээний даншиг наадамд 15-16 насны өсвөрийн 32 бөх барилдаж Баянлиг сумын Ч.Алтангэрэл түрүүлсэн бол Баян-Өндөр сумын Б.Гансүх үзүүрлэв. Шөвгийн дөрөвт Өлзийт сумын Э.Гонгор, Р.Амартүвшин нар тунаж үлджээ. Наадмын хүчит бөхийн барилдааны үеэр Баянхонгор аймгийн уугуул улсын цолтой бөхчүүддээ аймгийн удирдлагууд хүндэтгэл үзүүлсэн байна.

мх