Өнөөдөр 15 цагт Улсын Ерөнхий Прокурорын газарт мөрдөн шалгах болон ял эдлүүлэх ажиллагаанд тавих хяналтын дагаж мөрдөх аргачилсан заавар, журмыг хэрэгжүүлэх талаар уулзалт ярилцлага болно. Уг аргачилсан заавар журмыг хэрхэн хэрэгжүүлж ажиллах талаар Тагнуулын Ерөнхий газар, Авлигатай тэмцэх газар, Цагдаагийн Ерөнхий газар, Шүүхийн шийдвэр гүйцэтгэх Ерөнхий газар болон Улсын Ерөнхий прокурорын дэргэдэх Мөрдөн байцаах албаны удирдлагууд болон холбогдох албан тушаалтнуудыг оролцуулсан уулзалт болох аж. Дашрамд дурьдахад уулзалт ярилцлагын үеэр эрүүгийн зарим хэргүүдийн шийдвэрлэлтийн талаар хэлэлцэгдэх юм байна. Н.Түвшин