Мөрөөдлийн театрын жүжигчин Т.Баттулга тун удахгүй нээлтээ хийх “Эх орон дуудаж байна” түүхэн сэдэвт уран сайхны кинонд гол дүр бүтээжээ. Ийнхүү жүжигчин Батушка анх удаагаа түүхэн кинонд дүр бүтээж буй юм байна.

л

Тэрбээр энэ киноны гол дүрийн гурван залуугийн нэг Амин-Эрдэнийн дүрийг амилуулж, гэнэн, цайлган, хоёр найздаа дэндүү итгэдэг нэгний дүрд тоглосон гэнэ. Түүний хэлснээр “уг түүхэн сэдэвт киноноос залуучууд эх орныхоо төлөө амь хайрлалгүй тэмцэж байсан өвөг дээдэс, эх орныхоо түүхийн нэгэн үеийг харна” гэлээ. Мөн түүхэн кинонд дүр бүтээх амаргүй учир тухайн цаг үеийнхээ амьдралыг сайтар судалж, танилцан, кино багийнхантайгаа нягт хамтарч ажилласны дүнд уран бүтээлийн ард гарснаа онцолсон. Түүнчлэн “кино зураг авалтын үед хөгжилтэй, бэрхшээлтэй зүйл зөндөө байлгүй яахав. Тухайлбал, бид энэ киноны модон дундуур хөл нүцгэн гүйдэг зураг авалтын үеэр, нэгнийхээ хөлд орсон өргөсийг зөндөө авч өгсөн” хэмээн ярьсан юм.

л

Киноны зураг авалтыг Халх голд хийсэн байна. “Зураг авалтын үеэр цас орсны улмаас хүйтэн, нойтон элсэн дээгүүр, моддын дундуур хөл нүцгэн гүйх хэсгүүдийг жүжигчид бүгд өөрсдөө гүйцэтгэсэн. Манай гол дүрийн залуучууд жинхэнэ чийрэг Монгол хүмүүс гэдгээ харуулсан” гэж кино багийнхан онцолж байсан.

ө

л

Б.Бэхи