Хятадын Чиндаод өнгөрөгч баасан гарагт эхэлсэн гранпри тэмцээн өчигдөр өндөрлөж дүнгээ гаргалаа. Энэ тэмцээнээс манай тамиричид нэг алт, нэг мөнгө, хоёр хүрэл медаль хүртсэн амжилтаар багаараа 4-р байрт жагслаа. Энэ тэмцээний аварга чансааны 300 оноо авах бол мөнгөн медальт тамирчин 180, хүрэл медальтан 120 оноо халаасалж байгаа юм. Ингээд МУГТ М.Бундмаа чансаандаа 300 оноо нэмж авлаа. Харин ОУХМ Ц.Мөнхзаяа 180 оноогоор чансаагаа ахиуллаа. Мөн ОУХМ С.Ням-Очир, Э.Энхбат нар чансаагаа 120 оноогоор нэмсэн юм. IJF  буюу Олон улсын жудо бөхийн холбооны оны хамгийн сүүлийн тэмцээн болох Чиндаогийн гранприд манай улсаас 31 жудоч зодоглосон юм. Харин IJF-ээс энэ долоо хоногт жүдочдын шинэчилсэн чансааны жагсаалтыг гаргах аж. Ингэснээр 2012 оны 1-р сард  болох шинэ оны эхний тэмцээн “World Masters”-т оролцох жин тус бүрийн шилдэг 16 бөхийн нэр тодрох юм. А.Алт