Улаанбаатар хотын агаарын бохирдлыг бууруулах ажилд бас нэгэн ахиц гарч, нийслэлд хийн түлшний үйлдвэр байгуулахаар боллоо. Энэхүү өргөн хүрээтэй төслийн эхлэл болгож, ЭБЭХЯ, БОАЖЯ, Нийслэлийн Засаг даргын Тамгын газар болон М-Си-Эс групп Харилцан ойлголцлын санамж бичигт гарын үсэг зурав. Төслийн хүрээнд манай улсын урдаа барьдаг томоохон компаниудын нэг болох М-Си-Эс групп өөрийн зардлаар Улаанбаатар хотод хийн түлшний үйлдвэрийг 2011-2012 оны өвөл гэхэд барьж ашиглалтад оруулах юм. Эхний шатанд 100 мянган тонн нүүрсний хийн түлш үйлдвэрлэх хүчин чадалтай байх ба цаашид 200 мянга хүртэл өргөтгөх ажээ. Н.Цэндээ