Филиппин улсад тохиогоод буй байгалийн гамшгийн улмаас амиа алдагсдын тоо нэмэгдсээр байгаа тухай тус улсын Улаан загалмайн нийгэмлэгээс мэдээлж байна. Нийтдээ 167,000 хүн Washi хэмээх хар шуурганы улмаас үүссэн үер усны гамшигт өртсөн ба 88,000 хүн гэр оронгүй болж амиа алдагсдын тоо 713-т хүрчээ. Энэ тоо маргааш гэхэд 1000 хол давах магадлал өндөр байгаа аж. Филиппиний ерөнхийлөгч Бенинго Акуино гамшиг нүүрлэсэн бүс нутгуудаар өөрийн биеэр очиж байдалтай танилцсан байна. Тус улсад жилд дунджаар хэдэн зуун удаа болдог үер усны гамшгаас энэ жилийн тухайд Washi хэмээх энэхүү хар шуурганаас үүсэлтэй байгалийн гамшиг хамгийн их хор хөнөөл учруулж байгааг ерөнхийлөгч мэдэгджээ. Мөн Олон улсын улаан загалмайн нийгэмлэгээс Филиппин улс руу тусламжийн бараа бүтээгдэхүүн, эм тариа илгээж эхэлжээ.