Сонгино хайрхан дүүргийн  шүүхийн эрүүгийн танхимд Н.Базаррагчаа нарын 22 хүүхдэд холбогдох  хэргийг  өчигдөр хэлэлцэх байсан ч өмгөөлөгчид товлосон цагт ирээгүй тул хурлыг ирэх оны нэгдүгээр сарын 12-ны өдрийг хүртэл хойшлуулжээ. Дээрх хүүхдүүдийг харьяа дүүргийн цагдаагийн хэлтсээс өнгөрөгч онд саатуулж, эрүүгийн хэрэг үүсгэн шалгаж эхэлсэн байна. Тэдэнд Эрүүгийн хуулийн  тусгай ангийн 126.3 буюу зохион байгуулалтайгаар бүлэглэн хүчирхийлэл үйлдсэн, 145.2 буюу  бүлэглэж буюу урьдчилан үгсэж, тусгайлан бэлтгэсэн багаж хэрэгсэл хэрэглэж буюу орон байр, агуулах саванд нэвтэрч хулгайн хэргийг давтан үйлдсэн,  147.2,  буюу бүлэглэж буюу урьдчилан үгсэж тохироцож булаах, далайлган сүрдүүлэх гэмт хэрэгт шийтгүүлсэн этгээд үйлдсэн, эсхүл зэвсэг, зэвсгийн чанартай бусад зүйл хэрэглэсэн,153.1 буюу   бусдын эд хөрөнгөд  хохирол учруулсан, 261.1 буюу  таслан сэргийлэх арга хэмжээ авагдсан байхад оргон зайлсан гэсэн үндэслэлээр хэрэг үүсгэжээ. Н.Базаррагчаа нарын 22 хүүхэд хоёр жилийн өмнөөс буюу 2009 оноос хойш  хулгай, дээрэм, хүчин зэрэг хэргийг үйлдэн   нийт 30 хүнийг хохирсоон гэсэн үндэслэлээр яллагдагчаар татагджээ. Тэдний гэм бурууг ирэх онд хэлэлцэх нь.