Уран бүтээлийн чанарыг сайжруулж, хүртээмжийг нэмэгдүүлэх, уран бүтээлчийн билэг авьяасыг үнэлэх, урамшуулах зорилгоор Монгол Улсын Засгийн газрын 2008 оны 195 дугаар тогтоолоор батлагдсан "Оны шилдэг уран бүтээлч шалгаруулах журам"-ын дагуу шалгаруулалтыг энэ жил 4 дахь удаагаа явуулах гэж байна. Оны шилдэг уран бүтээлчид нэр дэвшүүлэхэд соёл, урлагийн байгууллагын өмчийн хэлбэр харгалзахгүй. Нэр дэвшүүлэх баримт бичгийг 2011 оны 12 дугаар сарын 25-ны 17,30 цагаас өмнө Боловсрол, соёл, шинжлэх ухааны яамны 210 тоот өрөөнд авчирч өгнө. Бүрдүүлэх материал: 1.    Уран бүтээлчийн дэлгэрэнгүй анкет, 2.    Эрх бүхий болон мэргэжлийн байгууллагын тодорхойлолт, 3.    Уран бүтээлийн жагсаалт, 4.    Шилдэг уран бүтээлчид нэр дэвшүүлэх үндэслэл, туурвисан бүтээлүүдийн онцлог, үр лүн, ач холбогдол, 5.    Тухайн онд улс болон олон улсын тэмцээнд тухайн онд оролцож амжилт гаргасан бол холбогдох гэрчилгээ, батламжийн хуулбар, 6.    Нэр дэвшсэн уран бүтээлчийн мэргэжлийн ур чадварыг илэрхийлэн батлах зорилгоор видео, аудио бичлэг, CD, фото зураг, бусад баримт ирүүлж болно.