Африкийн Конго улсад өнгөрсөн сард болсон сонгуулийг эсэргүүцсэн тэмцэл хөдөлгөөн өрнөөд байгаа. Тэгвэл Олон улсын хүний эрхийн байгууллагаас тус улсад сонгуулийн дараа цагдаа нар 24 иргэний амийг хөнөөсөн хэмээн мэдээлжээ. Ардчилсан Конго улсад 2003 онд иргэний дайн дууссан ба түүнээс хойш анх удаа бүх нийтийг хамарсан сонгууль зохион байгуулсан юм. Иргэний дайны улмаас дөрвөн сая гаруй хүн амиа алдсан гэгддэг тус улсад сонгуулийн дүнг эсэргүүцсэн тэмцэл хөдөлгөөн өрнөж сөрөг хүчнийхнийг дэмжсэн иргэд болон цагдаа нарын хооронд мөргөлдөөн гарсан билээ.