2009-2011 онд Ховд аймгийн эрүүл мэндийн салбарт ялангуяа хөдөөгийн эрүүл мэндийн анхан шатны тусламж үйлчилгээг бэхжүүлэх чиглэлээр ихээхэн хөрөнгө оруулалт хийгдэж, нийтдээ багийн эмч нарын 97 мотоциклийг шинэчилсэн байна. УИХ-ын дарга Д. Дэмбэрэл Ховд аймагт ажиллах хугацаандаа Ховд аймгийн багийн эмч нарт эмнэлэгийн тоног төхөөрөмж болон мотоцикл гардуулах ёслолын ажиллагаанд оролцож, тус аймгийн нийт 50 багийн эмч нарт мотоцикл гардуулж өглөө. Сандаг сангийн шугамаар Ховд аймгийн эмчилгээ оношилгооны төв, 50 ортой хүүхдийн эмнэлэг, бүх сумуудын эмнэлэг, хувийн эмнэлэгүүдэд нийтдээ 4 тэрбум төгрөгний тоног төхөөрөмж олгоод байгаа аж. АНУ, Австрали зэрэг улсуудаас оруулж ирсэн тоног төхөөрөмж нийлүүлж байгаа бөгөөд 560 сая төгрөгний өртөг бүхий тоног төхөөрөмжийг хүлээлгэн өгчээ.