Ховд аймгийн Ховд сум аймгийнхаа төвөөс 30 км зайтай оршдог. Энэ жил зуншлага, харьцангуй сайн байсан болохоор өвөлжилт хүндрээгүй байна. Сумын хэмжээнд 98.888 мянган толгой мал тоолуулж, мал таван төрөл дээр өссөн үзүүлэлттэй байгаа аж. Сумын тамгын газраас 2012-2020 он хүртэл хэрэгжүүлэх сумын хөгжлийн мастер төлөвлөгөөгөө боловсруулсан байна. Энд нийт 125 төсөл хэрэгжихээр заасан ба сум хөгжүүлэх санд 60 сая төгрөг ирснийг ард иргэддээ нээлттэй зарлаж, танилцуулахад 14 төсөл ирүүлжээ. Бүх төслийг сонгон шалгаруулаад эхний 6 төсөлд 60 сая төгрөг хуваарилсан байна. Түүнчлэн сумандаа архи хэрэглэхгүй, айраг хэрэглэе гэсэн уриа гаргаж, гүүний айрагны төсөл хэрэгжиж байгаа юм байна.