Сүхбаатар дүүргийн 15 дугаар хорооны нутагт байрладаг цанын баазад чаргаар гулгаж байсан хүн гэмтэж нас барсан хэрэг гарчээ. Тус хорооны нутагт байрлах Алдар спорт хорооны цанын баазад энэ сарын 25-ны 16:43 цагийн орчим Баянгол дүүргийн 2 дугаар хорооны иргэн 26 настай эмэгтэй Б , Баянзүрх дүүргийн 10 дугаар хорооны иргэн 22 настай эрэгтэй  М нар чаргаар гулгаж байгаад шонгийн мод мөргөж гэмтсэн байна. Гэмтсэн иргэдийг дуудлага дуудан эмнэлэг рүү авч явах замд 26 настай эмэгтэй Б нь нас барсан аж. Харин  22 настай  эрэгтэй М-ийг ГССҮТөвд хүргэн, эрчимт эмчилгээнд хамруулсан байна. М нь тархиндаа хүнд гэмтэл авсан, зүүн атгаал яс нь хугарсан гэнэ. Н.Цэндээ