“UB” паласын концертын их танхимд гэгээн Валентины өдөр “Хурд”, “Fire” хамтлаг, дуучин П.Баярцэнгэл, Б.Баярцэцэг, Б.Маралжингоо“Харанга”-ын Чука гээд рок попын бүхий л одууд нэгдсэн тоглолт хийж, хайрын хамгийн шилдэг дуугаа хосууддаа зориулж дуулахаар болжээ. Нандин хайрын бэлэгдэл болсон энэ өдрийн  “Зүгээрээ хайраа” тоглолтод рок, попын одод анх удаа нэгдэж тоглож байгаагаараа онцлог гэнэ.

Мөн “Хурд”-ын гитарчин Д.Отгонбаярын хувьд ч Монгол Улсын гавъяат жүжигчин цол авсанаасаа хойш оролцож байгаа анхны том тоглолт. Тэгэхээр энэ удшийн хамгийн онцлох эрхмийн нэг нь тэр гарцаагүй байх бололтой. Шинэхэн гавъяат маань үзэгчиддээ өөрийн гэсэн сюрпризийг бэлдээд байгаа сурагтай. Тасалбарын үнийн хувьд 14 мянга 900, 19 мянга 900 төгрөгийн хоёр төрлийн үнэтэй юм байна. Дашрамд дуулгахад, та “Зүгээрээ хайраа” тоглолтын тасалбараа 1900-1905-аар үнэгүй хүргүүлэх боломжтой юм байна.

П.Наран