Монгол улсын Филармониос санаачлан хэрэгжүүлж буй “Монгол уран бүтээл” зорилтот төслийн концертууд амжилттай туурвигдаж үзэгчдийн хүлээлттэй тоглолтуудын нэг болоод байгаа билээ. Уг тоглолтуудад Монголын үе үеийн хөгжмийн зохиолчдын шилдэг бүтээлүүдийг симфони найрал хөгжим, морин хуурын чуулга, баянмонгол джаз найрал хөгжим өөр өөрийн хөгжмийн жанраар хөрвүүлэн найруулж тайзнаа эгшиглүүлэн байгаа нь нэг талаар хөгжмийн зохиолчдоо хүндэтгэн алдаршуулж буй үйл ажиллагаа болж байгаа юм.

ы

Төсөлд туурвигдаж буй уран бүтээлүүдийн нэг болох Морин хуурын чуулгын “Ардын хөгжимд зориулсан концертууд” тоглолтоо үзэгч олондоо өргөн барихаар бэлтгэл ажил эхлээд  байгаа аж. Концертонд ТХШ, АЖ Н.Жанцанноров, ТШ З.Хангал, ТС, УГЗ Ц.Нацагдорж, хөгжмийн зохиолч Б.Мөнхболд нарын ардын хөгжимд зориулан бичсэн уран бүтээлүүд эгшиглэх ба  тоглолтыг морин хуурын чуулгын удирдаач Д.Түвшинсайхан/СТА/-ны удирдлага дор тоглогдох бөгөөд ТХШ, АЖ Н.Жанцанноров тайлбарлан хөтөлж үзэгчдийн хүртээл болгох юм байна.

б

Тоглолт 19:00 цагт Улсын филармонийн танхимд ганцхан удаа болно. Тасалбарыг улсын Филармонийн тасалбар түгээх цэгээс авч болох бол 1900-1617 дугаарт залган үнэгүй хүргүүлэх боломжтой.

б