ХБНГУ-ын Берлин хотноо дэлхийн аялал жуулчлалын салбарын хамгийн том нэгдсэн арга хэмжээ болох И-Ти-Би–Берлин 2015 (ITB Berlin 2015) үзэсгэлэнд Монгол Улс түнш орны онцгой статустайгаар оролцсон. Энэхүү арга хэмжээнд оролцож монгол урлагаа сурталчилаад ирсэн Улсын Филармонийн Морин хуурын чуулгын уран бүтээлчид "Ардын хөгжимд зориулсан концертууд" тоглолтоо үзэгчдэдээ өргөн барихад бэлэн болжээ.

Гуравдугаар сарын 19-ний оройн 19:00 цагт Улсын филармонийн тайзнаа ганцхан удаа тоглогдох уг тоглолтод монголын хөгжмийн зохиолчдын ардын хөгжимд зориулсан бичсэн шилдэг бүтээлүүд эгшиглэнэ. Тоглолтын Тасалбарыг улсын Филармонийн кассаар худалдаалахаас гадна 1900-1617 үнэгүй хүргэж өгөх юм байна.