“Мал маллах сайхан”, “Таван эрдэнэ”, “Малчин заяа,“Хот айл,  “Хатад  дамжсан бүүвэй”, “Хосоор жаргалтай хорвоо” “Ямар их хайр вэ” зэрэг уран бүтээлээрээ сонсогчдын танил болсон залуу дуучин Ч. Алтантүлхүүр нэгэн сонирхолтой төсөл хэрэгүүлж эхэлжээ.

Тодруулбал, тэрбээр Таван эрдэнийн эх орон" хэмээх  зорилтот төсөл хэрэгжүүлж эхлээд байгаа юм байна. Уг төсөл нь монголчуудын уламжлал, нүүдэлчдийн өв соёл, малчин түмнийхээ аж амьдрал, эрдэнэт мал сүргийг магтан дуулж малч түмэндээ сэтгэлийн дэм өгөх урам зоригийг нь сэргээх, тэдний бүтээлч хөдөлмөр, ажлын үр шимийг нь клип, кино концерт зэрэгтээ тусгаж, олон нийтэд сурталчилан таниулах зэргээр ард иргэд, өсвөр хойч үедээ монгол бахархалыг бий болгох зорилготой юм байна.

Уг төслийн хүрээнд тэрбээр өөрийн анхны бие даасан тоглолтоо үзэгчдийн хүртээл болгохоор завгүй яваа гэнэ.

Дашрамд дуулгахад, Ч.Алтантүлхүүр нийтийн дууны урын сандаа 70 гаруй уран бүтээл, хоёр бие даасан цомгоо гаргасан юм байна.

Б.Дэжид