Хэвлэлээр үе, үе дуулиан тарьдаг дуучин Нара энэ удаа ч мөн сенсааци тарьлаа. Өнгөрсөн удаад тэрбээр  хувийн амьдралынхаа нууцыг анх удаа Стар телевизэд дэлгэсэн. Тэрбээр хүүхдийнхээ эцгийн тухай ярихдаа нүдэндээ нулимс цийлэгнүүлэн ам нээсэн бөгөөд түүнийг 7 сартай хөл хүнд байхад орхиод явсан хэмээсэн.

а

Харин энэ удаад тэрбээр өөрийн цахим хуудаснаа "Хуримаа хийлээ. Бөөн аз жаргал" хэмээн бичиж, хуримын даашинзтай зургаа гаргажээ. Уг зургийг үзсэн түүний фенүүд "Ийм хурдан нөхөрт гарч байгаа юм уу, Гэрлэлтэд нь аз жаргал хүсье. Хуримын бөгж нь хаана байна" зэргээр сэтгэгдлээ зурагны доор бичиж байна. Харин өөр эх сурвалжийн мэдээлж буйгаар уг зураг нь дуучин бүсгүйн шинэ уран бүтээлийн нэг гэнэ.

а

Ямартаа ч, дуучин Нара үрийн зулай үнэрлэж ээж болсноосоо хойш уран бүтээлээ түр завсарлаж гэртээ хүүгээ харахыг зэрэгцээ бүсгүйчүүддээ зориулаад гоо сайхны сургалт явуулж амжсан. Харин энэ удаад уран бүтээлийн ажилдаа ханцуй шамлан орж байгаагаа ийнхүү "гэнэтийн бэлэг"-ээр эхлүүлж буй бололтой.

Б.Дэжид