Саймон шинэ хүнээ хүлээж байна
“X Factor” шүүгч Саймон Коуэлл өнгөрсөн оны хоёрдугаар сарын 14-нд 54 насандаа анхныхаа хүүхдээ өлгийдөн авсан билээ. Тэрбээр хүүдээ Эрик гэх нэрийг хайрласан юм. Тэгвэл Саймоны найз бүсгүй Лорен Силвермэнийг хоёр дахь хүүхдээ тээж буй тухай “hollywoodlife.com” мэдээллээ.
Гэрчүүдийн мэдээлснээр “Лоренийг таван сартай жирэмсэн гэв. Тэрбээр хүү Эрикийн хамтаар Калифорнид амарч байна. Учир нь “X Factor” шоуны шинэ дугаар эхэлсэн бөгөөд Саймоны ажил их байгаа учир тэрбээр гэртээ ч харьж чадахгүй байгаа” гэжээ.
Саймон твиттертээ “Гэр бүлдээ хайртай шүү. Тун удахгүй гишүүдийн тоо нэгээр нэмэгдэх болно” гэж жиргэжээ. Саймон шоугаа дуусгаад гэр бүлийнхээ хамтаар Хавай арал руу явахаар болсон байна.
Б.Дэлгэрцэцэг
СЭТГЭГДЭЛ БИЧИХ