Ямар ч асуудал үл салгах үүрдийн нөхөрлөл, хайр дурлалын төлөөх хөгжилтэй атлаа ширүүн тэмцэл, бүтэлгүй гурван найзын аз жаргал, адал явдлыг харуулсан “3 найз: Яасан байх нуу?" урахн сайхны кино өнөөдөр Тэнгис, Өргөө кино театрын дэлгэцнээ нээлтээ хийнэ. 

Уг кино өнгөрсөн жилийн хавар олон ангит киногоороо үзэгчдийн хүртээл болж та биднийг хөгжөөж чадсан билээ.

Хоёр ч үзэсгэлэнт бүсгүйг араасаа гүйлгэж чадсан, толгой сайтай Төгөлдөр, будлианы эзэн, бүтэлгүй нэгэн ч бусдыг гэсэн сайхан сэтгэлтэй Санчир, хүүхэмсэг залуу Цэрэндалай нарын адал явдлыг бүх насны үзэгчид анги алгасалгүй шимтэн үзсэн гэхэд хилсдэхгүй.

Телевизүүдийн рейтингийг тогтоодог “Максима медиа”-гийн судалгаагаар “Гурван найз” олон ангит кино 2014 оны тэргүүлэгч контентуудын нэг болж чадсан гэдэг. Кино дэлгэцнээ гарсан үе буюу дөрөвдүгээр сарын оргил цагийн дунджаар 25-34 насны үзэгчдийн дунд 2014 оны турших хамгийн өндөр рейтинг авсан тохиолдол болжээ. Энэ нь ч үүднээс Монголын телевиз, контентын салбарт үнэтэй хувь нэмэр оруулсан бүтээл болсон юм.

Б.Дэжид