Холливуудын нэрт жүжигчин Антонио Бандерас өнгөрсөн оноос үерхэж эхэлсэн загвар өмсөгч Николь Кимбеллтэй сүй тавьсан тухай “www.dailymail.co.uk” мэдээллээ. Тэд өнгөрсөн баасан гаригт Италийн Ром хотноо байрлах ариун католик сүмд сүй тавьсан байна.

Жүжигчин эр сүйт бүсгүйдээ 450 мянган ам.долларын үнэтэй алмаазан шигтгээтэй бөгж өгчээ. 20 насны зөрүүтэй хосууд ирэх есдүгээр сард хуримаа хийхээр төлөвлөсөн гэж “TMZ” сайтад бичжээ. Тэд өчигдөр Нью Йорк хотоор зугаалж байхдаа гэрэл зурагчдын дуранд өртсөн бөгөөд энэ үеэр хос бөгж зүүсэн байсан юм.

Бандерас өнгөрсөн оны есдүгээр сард 18 жил ханилсан Мелани Гриффитээс салж, хөрөнгөө 40/60 хувааж, Лос Анжелес, Нью Жерси мужид байрлах 10 гаруй үл хөдлөх хөрөнгөө экс эхнэртээ өгсөн билээ.

Б.Дэлгэрцэцэг