Холливуудын нэрт жүжигчин Брэдли Купер болон Оросын супермодель Ирина Шейк нарыг өнгөрсөн гуравдугаар сараас эхлэн болзож байгаа хэмээн Америкийн хэвлэлүүд мэдээлсэн билээ. Энэхүү мэдээллийг Ирина Шейкийн агент батлаагүй юм. Энэ долоо хоногийн эхээр АНУ-ын Нью Йорк хотноо “The Met Gala” хүндэтгэлийн  арга хэмжээ зохион байгуулагдсан билээ. Улаан хивсний ёслолд Купер, Ирина нар оролцжээ.

Ёслолын дараа Ирина, жүжигчний машинд суусан хэмээн гэрчүүд мэдээлж байсан. Тэгвэл тэд өчигдөр 22.00 цагийн үед Нью Йорк хотноо байрлах “Росе” хэмээх зоогийн газраар үйлчлүүлээд гарч явахдаа үнсэлцэж гэрэл зурагчдын дуранд өртсөн тухай “www.dailymail.co.uk” мэдээллээ. Тэд яг л хосууд шиг харагдаж байснаас гадна хос бөгж зүүсэн байжээ. “TMZ” сайт “Ирина Шейк саяхнаас жүжигчин эрийн Нью Йоркт байрлах гэрт нь нүүж ирсэн” гэж мэдээлсэн байна.

Б.Дэлгэрцэцэг