Украины нийслэл Киев хотын дарга Виталий Кличкогийн дүү Владимир Кличко тун удахгүй хуримаа хийхээр болжээ. Тэрбээр 2010 оноос эхлэн холливуудын жүжигчин Хейден Паньттьертэй болзох болсон юм. Хос өнгөрсөн оны аравхоёрдугаар сард охинтой болсон билээ. Охиныг Хаси гэдэг юм.

Жүжигчин бүсгүй зураг авалтад оролцохоор өнгөрөгч амралтын өдөр Нью Йорк хотноо хүрэлцэн ирсэн бөгөөд өчигдөр “NBC” телевизэд ярилцлага өгсөн тухай “TMZ” сайт мэдээллээ. Хейден ярилцлагынхаа эхэнд “Охин минь их том болсон. Аав шигээ эрүүл чийрэг гэхэд болно” гэж хэлжээ.

Хөтлөгч жүжигчнээс “Владимир Кличко танд хуримын санал тавьсан хэмээн хэвлэлүүд мэдээлж байгаа. Энэ үнэн үү. Олон жил хамтран амьдарлаа” гэж асуухад “Баяртай мэдээ дуулгах уу. Бид удахгүй хуримаа хийнэ. Гэхдээ энэ талаар дэлгэрэнгүй ярихыг хүсэхгүй байна. Гайхалтай хуримын санал тавьсан” гэж хариулжээ.

Б.Дэлгэрцэцэг