Дуучин Келли Осборне “Хилтон” зочид буудлын өв залгамжлагч Парис Хилтоноос 15 мянган ам.доллароор нохой худалдан авсан тухай “www.dailymail.co.uk” мэдээллээ. Поли нэртэй нохой гурван настай гэнэ. Парис өнгөрсөн оны эхээр Техасын нохой үржүүлгийн төвөөс Полиг худалдан авчээ. Тэрбээр нохойгоо олон нийтийн газар болон үдэшлэгт дагуулан явдаг юм.

Энэ амралтын өдөр Келли Нью Йорк дахь гэртээ үдэшлэг зохион байгуулсан бөгөөд Парисыг урьсан аж. Тэрбээр үдэшлэгт ирэхдээ Полиг дагуулан иржээ. Келлид нохой таалагдсан учир Парис Хилтоноос нохойгоо өгөхийг хүссэн ч татгалзсан хариу авчээ. Учир нь Парис нохойгоо үнэгүй өгөхийг хүсээгүй бөгөөд Полиг худалдан авах санал тавьсан байна.

Энэхүү саналыг Келли зөвшөөрч, 15 мянган ам.долларыг Парист бэлнээр өгсөн гэж гэрчүүд “TMZ” сайтад ярьцгаажээ.

Б.Дэлгэрцэцэг