Өнөөдөр Бурхан багшийн их дүйчэн өдөр тохиож байна. Энэхүү өдөрт зориулан шашин, урлагийн олон үйл ажиллагааг зохион байгуулж байгаа юм.

Тодруулбал, Жанрайсигийн өмнөх талбайд Тэгчин Сожин /Энэтхэгийн Жүддод дацангийн хамба, гэвш лхаарамба, аграмба Жадо Жадо ринбүүчи их хөлгөний нэг өдрийн сахилыг сүсэгтэн олонд хайрлана/, Гороо эргэх үйл, Маани хөгжөөх, Гандантэгчэнлин хийдийн салбар дацангууд болон Монгол орон даяар Бурхан багшийн зан үйлийн хурал хурсан.

Мөн Алтан Соёмбот тугийг “Сэмбэрэм”-тэй мандуулах /МБШ Гандантэгчэнлин хийдийн Дүйнхорын дацангийн лам, хуврагууд/,
Бурхан багшийн Ринсрэлийг залах “Сэмбэрэм”-тэй /Бүрнээ/, Мандал өргөх ёслолын үйлүүд болсон.

Их дүйчэн өдөрт зориулсан арга хэмжээ одоо “Болжмор Бодьсадва” жүжиг болон бусад урлагийн тоглолтоор үргэлжилж 17:00-19:00 цагт гороо эргэснээр дуусах юм байна.