Уул ус, байгаль дэлхийдээ хүндэтгэл үзүүлэх, шинэ оны àíõíû нарнаас энерги авах, дотоодын аялал жуулчлал хөгжүүлэх, нийтийн биеийн тамирын арга хэмжээг түгээн дэлгэрүүлэх зорилгоор Баруун-Урт сумаас урагш 30 км-т байрлах Баяншарга ууланд “Шинэ оны анхны нар харах” аяллыг 2012 оны 1-р сарын 1-нд зохион байгуулав. Аяллыг Сүхбаатар аймгийн Байгаль орчин, аялал жуулчлалын газар, Биеийн тамир, спортын газар, Сүхбаатар аймгийн “Аялал жуулчлалын хөгжлийн гарц” ТББ хамтран хэрэгжүүлсэн.

Аялалд 100 гаруй машин, 450-500 гаруй хүн оролцон галын бурхнаа тахиж, төрийн дууллаа эгшиглүүлэн, шинэ оны нарнаасаа энерги авч, хийморь сүлдээ сэргээж, ажил үйлсээ наранд даатгалаа.

Аяллын үеэр уулын орой булаалдах, сумо барилдах, олс татах тэмцээнүүд явуулан, аялалд оролцогчдыг багагүй хөгжөөсөн. Тэнгэр хангай аяллыг ивээн тэтгэж, тунгалаг хөх тэнгэрт улбар шар наран хиргүй мандаж, цаг агаар захиалсан мэт таатай байсан нь аялагч олонд сэтгэлийн илч хайрлаж байлаа. Энэ өдөр Баяншарга хайрханд нар 8 цаг 07 минутад мандан, 16 цаг 32 минутад жаргалаа гэж Сүхбаатар аймгийн БОАЖГ-ын мэргэжилтэн П.Ариунболд мэдээлэв