Сумогийн дэвжээнд монгол залуус гайхалтай ялалт байгуулахаасаа гадна байнга сахилга зөрчсөн хэргээр жавтий хүртдэг уламжлалтай билээ. Энэ удаад сумогийн холбооны удирдлага манай сумоч Тамаваши Б.Мөнх-Оргилыг хатуу донгоджээ. Тэрээр саяхан өндөрлөсөн башёгийнхоо баярыг дэвжээнийхээ ивээн тэтгэгчидтэй хийж, ресторан удаан суусан байна. Харин гарахдаа рестортаны шилэн цонхыг мөргөж, гараа зүсч орхижээ. Ингэснээр Тамаваши дор хаяж гурван долоо хоног бэртэл хийх боломжгүй болсон аж. Мөн дээр нь сахилга бат алдсан хэргээр хатуу донгодуулсан ажээ. Р.Гэгээ