Тавантолгойн гэрээний төслийг УИХ-аар хэлэлцэх эсэхийг шийдвэрлэх ажлын хэсэг маргааш 11.00 цагт Төрийн ордонд мэдээлэл хийнэ. УИХ-ын гишүүн Л.Эрдэнэчимэгийн ахалсан ажлын хэсэг Тавантолгойн гэрээний төслийн англи хувилбар дээр ажиллаж буй. Тэд өнгөрсөн долоо хоногт гэрээний англи хувилбар монгол хэл дээрхээс их зөрүүтэй байгаа учраас Гадаад хэргийн яаманд хандаж, албан ёсны орчуулга хийлгэх болсноо мэдэгдээд байсан юм.

Тавантолгойн гэрээний төслийг өнөөдрөөс хэлэлцэж эхэлсэн. Өнөөдөр Эдийн засгийн байнгын хорооноос байгуулагдсан ажлын хэсэг уг асуудлыг хэлэлцсэн. Маргааш Эдийн засгийн байнгын хороо хэлэлцэж, нэгдсэн чуулганд оруулах эсэхийг шийдвэрлэнэ.