АН-ын 4:11 уулзалт өнөөдөр Төрийн ордонд болно. Өмнө нь эмнэлэг, сургууль гээд  аль нэг салбарыг сонгон байгууллага дээр нь хийж мэдээллийнхээ чиглэлийг тодорхойлдог  байсан. Тэгвэл энэ удаа улстөр ярихаар болжээ. Уулзалтаар АН хамтарсан Засгийн газраас гарах  тухайгаа удахгүй болох Үндэсний зөвлөлдөх хорооны хурлаараа ярилцах гэж байгаа, намынхаа даргад итгэл үзүүлэх эсэх, нийгмийн халамжийн хууль болох Эхэд урамшуулал олгох хуулийг эсэргүүцэж хурал хаяад байгаа гээд тус намтай холбоотой олон асуултад хариулт өгнө. Уулзалтад Ардчилсан намын дарга Н.Алтанхуяг, ерөнхий нарийн бичгийн дарга Д.Эрдэнэбат, мөн УИХ дахь Ардчилсан намын бүлгийн дарга Ч.Сайханбилэг нарын гишүүд оролцох гэнэ. Тэд цаг үеийн сэдвээр сэтгүүлчдэд мэдээлэл хийж, сонирхсон асуултад хариулт өгөх юм байна.