МУГТ Б.Сэр-Од эх нутагтаа ирэх гэсэн боловч Бээжингийн нисэх онгоцны буудал дээр саатжээ. Монголд хэтэрхий их салхитай байгаа учраас түүний сууж ирэх онгоц цаг агаарын байдлаас шалтгаалан яг одоо хүлээлтийн байдалтай байна. МУ-ын Ерөнхийлөгч шинэхэн гавьяатад маргааш өглөө 10 цагт Төрийн ордонд шагналыг нь гардуулах аж. Харин энэ арга хэмжээний дараа шинэ гавьяатаа өлгийдөн авсан МХАХ-ныхон тамирчнаа хүлээн авч хэвлэлийн хурал хийн сэтгүүлчдэд мэдээлэл өгөх юм байна. МУГТ Б.Сэр-Од 2011 онд Лондонгийн марафоны IX байр, Бээжингийн марафоны VI байрын шагналт, Дэлхийн болон Азийн аварга шалгаруулах тэмцээнд оролцсон, марафон болон 5000 метрийн зайд улсын дээд амжилтыг шинэчилж, Лондон-2012 зуны XXX олимпийн эрхээ аваад байгаа юм.   А.Алт