АН хамтарсан Засгийн газраас гарах гэж буйгаа өнөөдөр мэдэгдсэн. Энэ нь улстөрийн унтаа байдлыг сэргээж гишүүд хөдөлгөөнд оров. МАН-ын Удирдах зөвлөл ч эл мэдээллийг авмагцаа Ерөнхий сайдын өрөөнд хуралдаж эхэлсэн. Хамтарсан Засгийн газар задрах болсон талаар гишүүний байр суурийг сонслоо. УИХ-ын гишүүн Ц.Батбаяр: Болох ёстой юм болж байна -АН хамтарсан Засгийн газраас гарах тухайгаа мэдэгдлээ. Та үүнд ямар байр сууринаас хандаж байгаа вэ? -Болох ёстой юм л болж байна шүү дээ. Гайхаад байх юм алга. -Хамтарсан Засгийн газар задрахыг та мэдэж байсан юм уу? -Би өнгөрсөн 10 дугаар сард хэлж байсан. Хамтарсан Засгийн газар сал, хоёр нам өөр өөрсдийн замаараа явах ёстой гэж. -Яагаад сонгуулийн жил Засгийн газар задрах ёстой гэж? -Угаасаа үнэн, худал нь мэдэгдэхээ байчихсан шүү дээ. Тэгээд л тэр.