Хамтарсан Засгийн газраас Ан гарахаар болсон. Энэ талаар Эрүүл мэндийн сайд, УИХ-ын гишүүн С.Ламбаа болон УИХ-ын гишүүн Р.Раш нараас тодрууллаа. ЭМ-ийн сайд, УИХ-ын гишүүн С.Ламбаа: ҮЗХ-ны шийдвэрийг дагана -Хамтарсан Засгийн газраас гарах асуудалд та улстөрчийнхөө хувьд ямар байр сууринаас хандаж байна? -Энэ асуудлыг Үндэсний зөвлөлдөх хорооны хуралдаанаар хэлэлцэж шийднэ. Одоогоор шийдээгүй байгаа шүү дээ. -Та дэмжиж байгаа юу, аль эсвэл? -Үндэсний зөвлөлдөх хорооны хуралдаанаар ямар шийдвэр гарна яг тэрүүгээр л явна. УИХ-ын гишүүн Р.Раш: Дуртай өдрөө ороод, дуртай өдрөө гардаг хаалга биш -АН хамтарсан Засгийн газраас гардна гэдгээ мэдэгдлээ. Та энэ асуудалд ямар байр суурьтай байгаа вэ? -Харин ийм асуудал саяхан чих дэлслээ. Яг одоогоор би байр сууриа илэрхийлэх боломжгүй байна. -АН хамтарсан Засгийн газраас гарснаар ямар үр дагавар гарах бол? -Монгол улсын Засгийн газар гэдэг нь хэн нэгэн дуртай өдрөө ороод дуртай өдрөө гардаг хаалга биш гэдгийг л хэлмээр байна.