Хэнтий аймгийн Цэнхэрмандал сумын Тогоот багийн Жаргалант гэдэг газар хууль бусаар ашигт малтмал олборлож байсан бүлэг хүний үйл ажиллагааг зургадугаар сарын 8-нд зогсоосон байна. Мөн Хадагтай гэдэг газар үйл ажиллагаа явуулж байгаа  “Эрэлчин”, “Мөнх зул бадмаараг” уурхайд тус аймгийн БОАЖГ-аас шалгалт хийжээ. Гар аргаар олборлогчдод санамж өгч, Цэнхэрийн гол орчмын хог хаягдлыг цэвэрлүүлсэн байна. “Баянмод-Уул”, “Эрэлчин” эрэл хайгуулын компаниуд усны тоолуургүй байсан тул тоолуур тавих шаардлага өгч, ус ашигласны төлбөр 3 сая төгрөгийг улсын орлогод оруулсан гэж байна. Мөн тус аймгийн Биндэр сумд 10 га газарт ойн цэвэрлэгээний ажил үргэлжилж байгаа юм байна.