Дорнод аймгийн Засаг даргын Тамгын газар, Хүүхдийн төлөө хэлтэс, аймгийн Шүүх, Прокурорын газар, Цагдаагийн газар, Өмгөөлөгчдийн зөвлөл, Шүүхийн шийдвэр гүйцэтгэх алба, Эрүүл мэндийн газар, Боловсрол соёлын газар, Онцгой байдлын хэлтэс, Мэргэжлийн хяналтын газрын дарга нар оролцон “Хүүхдийг болзошгүй эрсдлээс урьдчилан сэргийлэх, хамгаалах олон нийтийн санаачилга” өрнүүлэх ажиллагааны ерөнхий удирдамжийн дагуу “Хүүхдийг эсэн мэнд амьдрах эрхийг хамгаалах” сэдэвт нэгдсэн зөвлөгөөнийг хийжээ. Аймгийн прокурорын газраас насанд хүрээгүй хүмүүсийн үйлдсэн гэмт хэрэгт хэрэг бүртгэлт, мөрдөн байцаалтын ажиллагаа явуулах тусгай журмын биелэлтэд хяналт тавих, насанд хүрээгүй хүмүүстэй холбоотой асуудлыг шалгаж шийдвэрлэх ажиллагаанд хяналт тавих прокурорыг дагнан ажиллуулах, насанд хүрээгүй хүмүүст хорих ял оногдуулсан шүүхийн шийтгэх тогтоол биелүүлэхийг хойшлуулсан этгээдийн талаарх цагдаагийн байгууллагын ажиллагаанд тавих прокурорын хяналтыг сайжруулах зэрэг чиглэлээр хамтран ажиллах болсон байна.