Бид 2011 оны сүүлээр компанийнхаа ажилчдын холбоотой зөвшилцсөний үр дүнд уурхайн ажилчдын ажил амралтын хуваарийг өөрчлөх шийдвэр гаргасан. Компанийн ажилчдаас гаргасан цалингаа нэмэгдүүлэх хүсэлтийг харгалзан үзэж, нийт ажилчдынхаа эрх ашгийн үүднээс энэхүү шийдвэрийг гарсан болно. Урьд нь манай ажилчид 14 хоног ажиллаад, 14 хоног амардаг байсан бол шинэ хуваарийн дагуу 14 хоног ажиллаад, 7 хоног амрана. Шинэ хуваарийн давуу тал нь ажилчдын жилд ажиллах цаг нь ихэсч, тэр хэрээрээ илүү цалин авах юм. Мөн энэхүү өөрчлөлтөөс шалтгаалсан цалингийн өсөлт болон ажлын хөлсний цагийн үнэлэмжийг нэмэгдүүлснээр ажилчдын цалин 53 хувиар нэмэгдэж байгаа юм. Харамсалтай нь уг өөрчлөлтийн улмаас зарим ажлын байрыг цомхтгох шаардлагатай болсон. Тус компани нь 49 ажилчдыг цомхтгосон боловч 650 ажилчдыг ажлын байраар хангасан хэвээр байгаа юм. Тус компанийн ажлын байрны цомхтголын талаар хэвлэл мэдээллийн байгууллагаар зарим ташаа мэдээллүүд гарч байгаад харамсч байна. Эдгээр ташаа мэдээлэлд дараах залруулгыг хийж байна. Үүнд: •    “Саусгоби сэндс компани 49 ажилчдаа халсан шалтгаанаа тайлбарлаагүй байна” гэж мэдээлсэн. Манай компани эдгээр ажилчдыг халаагүй. Уурхайн ажилчдын ажил амралтын хуваарьт өөрчлөлт оруулсны үр дүнд 49 ажлын байрыг цомхтгосон. •    “Саусгоби сэндс компани үйлдвэрчний эвлэл байгуулсных нь төлөө ажилчдаа халсан” гэж мэдээлсэн. Энэ нь худал мэдээлэл юм. Эдгээр ажилчдыг дээр дурдсан шалтгааны улмаас цомхтгосон болно. •    “Саусгоби сэндс компани хууль зөрчсөн” гэж мэдээлсэн. Манай компани нь Монгол Улсын Хөдөлмөрийн тухай хуулинд заасны дагуу, тэтгэмжийг эдгээр ажилчдад олгож байгаа. •    “Саусгоби сэндс компани халагдсан ажилчидтай уулзаж, тэдгээрийн асуудлыг хэлэлцэхээс татгалзсан” гэж мэдээлсэн. Уг мэдээлэл нь мөн ташаа мэдээлэл юм. Манай компани цомхтгогдсон ажилчидтай уулзаж, хамтран ажиллах ажлын хэсэг байгуулсан. Уг ажлын хэсэг одоогийн байдлаар 3 удаа уулзаад байгаа. Саусгоби сэндс компани нь үйл ажиллагааны хувьд жигдэрсэн бөгөөд өөрийн ажилчдыг гэр бүлээ хэмээн үздэг. Тус компани нь 650 гаруй ажилчидтай ба тэдгээрийн 97 хувь нь Монголчууд, 53 хувь нь Овоот толгойн уурхайн ойролцоох 3 сумын иргэд билээ. Манай компанийн цалингийн хэмжээ, ажлын байрны нөхцөл Монгол Улсдаа хамгийн шилдгүүдийн нэг билээ. Бидэнтэй хамтран ажилладаг холбогдох байгууллагууд үнэн бодит мэдээллийг шүүн тунгааж, хөндлөнгийн баримт нотолгоогүй мэдээллийг хүлцэн ойлгоно гэдэгт итгэлтэй байна. 2012 оны 1 дүгээр сар 6