Хятадын Шаньмин хотноо “Лондон-2012” зуны ХХХ олимпийн эрх олгох “Шаньминий марафон” нэрийн дор дэлхийн гүйгчид уралдаж байна. Энэ ОУ-ын марафонд ОУХМ Л.Отгонбаяр, н.Доржпалам, н.Балжинням нар өрсөлдөж байгаа юм. “Шаньминий марафон” нь өнөөдөр явагдаж байгаа аж. Харин манай улсын хөнгөн атлетикийн бусад тамирчдын тухайд Кенид болох “Golden zam” А зэрэглэлийн тэмцээн, мөн ирэх 3-р сард Туркийн Стамбулд явагдах заалны ДАШТ хүлээж байна. Эдгээр тэмцээн нь бүгд олимпийн эрх олгох юм. 2008 оны Бээжингийн олимпийн марафоны төрөлд МУГТ Б.Сэр-Од, ОУХМ Л.Отгонбаяр, 400 метрт Б.Мөнгөнтуяа нар оролцож байлаа. Харин одоогоор МУГТ Б.Сэр-Од, ОУХМ Л.Отгонбаяр нар Лондонг зорих “виз”-ээ өвөртөлсөн. Лондонг зорих эрхээ өвөртөлсөн хөнгөн атлетик, байт сурын тамирчдын хувьд энэ амжилт нь томоохон ололт байлаа. Олимпийн эрх авах тэмцээнд өрсөлдөж байгаа тамирчиддаа амжилт хүсье. А.Алт