“Дэлхийн мисс” тэмцээний 2000 оны ялагч Энэтхэгийн гоо бүсгүй Приянка Чопра “Maxim” сэтгүүлийн шинэ дугаарыг чимсэн билээ. Уг сэтгүүл өчигдрөөс худалдаанд гарсан талаар “www.dailymail.co.uk” мэдээллээ. Харамсалтай нь сэтгүүлийн эхний нүүрэнд байрлах Чопрагийн зураг шүүмжлэлийн бай болжээ.

Уншигчид “Чопрагийн зургийг хэтэрхий их фотошопоор янзалсан байна. Түүний суга орчмын арьс нь бусад бүсгүйчүүдээс хар. Харин “Maxim” сэтгүүл дээрх Чопра ямар ч өөгүй харагдаж байна” хэмээн шүүмжилжээ.

Уг дуулианы дараа Чопра инстаграмдаа хоёр гараа толгой дээрээ тавьж, сугаа ил гаргасан зургаа байршуулаад “Сэтгүүлийн зурагтай адил байгаа биз дээ” хэмээн жиргэжээ.

Чопра Америкийн “ABS” телевизийн бүтээл “Quantico” гэх киноны гол дүрийг бүтээж байна.

Б.Дэлгэрцэцэг