Нийслэлийн Засаг Даргын Тамгын Газраас хэрэгжүүлж буй “Найрсаг Улаанбаатар” хөтөлбөрийн хүрээнд “Учиртай гурван толгой” дуурийг 2 дахь жилдээ Чингисийн талбайд тоглолоо. Тус дуурийн гол дүрийн жүжигчдийг Нийслэлийн Засаг Дарга С.Батболд шагнан урамшуулсан байна.

Жил бүр тус дуурийн гол дүрийн жүжигчдийг сонгон шалгаруулдаг  уламжлалтай. Энэ жил УДБЭТ-ын гоцлол дуучин МУСТА Э.Бумхүү /Юндэн/, УДБЭТ-ын  гоцлол дуучин МУСТА Б.Энхнаран /Нансалмаа, УДБЭТ-ын гоцлол дуучин МУГЖ Ө.Уянга /Хоролмаа/, УДБЭТ-ын гоцлол дуучин С.Бат-Эрдэнэ /Балган/ нар шалгаран дуурийг олны хүртээл болгосон юм.

Гол дүрийн жүжигчдийг энэ сарын 11-нд Нийслэлийн Засаг даргын нэрэмжит шагнал, өргөмжлөл 10 сая төгрөгөөр шагнан урамшуулжээ. Шагналыг Нийслэлийн Засаг дарга бөгөөд Улаанбаатар хотын Захирагч С.Батболд  гардуулсан байна. Мөн энэ үеэр Улсын дуурь бүжгийн эрдмийн театрын захирал Ч.Мөнхзул төрийн дээд шагнал “Алтан гадас” одонгоор энгэрээ мялаасныг НИТХ-ын дарга Ц.Сандуй гардуулжээ.

Г.Тэгшсүрэн